Международное объединение содействия развитию абазино-абхазского этноса «Алашара»

МАААН йбыжьбахауа а-Конгресс. ЙгIвбахауа амш

На VII Конгрессе МАААН. День второй

А-Дуней апсуа-абаза Конгресс йбыжьбахауа айззара ду йгIвбахауа атшын апны йхъаду гIаншаран аунашвахъцIагIвчва ралхра.

Псахра аларцIатI ВААК а-Устав, а-Конгресс апрезидент йъанатIа нырххтI, ЙхIаракIу а-Совет гIандыршатI. А-Конгресс агенерал секретар йъанатIа апхъахьыла «архъйагIв секретар» – хIва йапхьауата йырпсахтI.

Апсуа-абаза уагIахъа р-Дуней Конгресс Ассоциация ЙхIаракIу а-Совет дапредседательта йацшIакIта далырхтI Эгьзакь Мусса – йбергьльу ахIаракьатчпагIв, апхьахьа, ажвлара уыснкъвгагIв, а-Дуней адкIылара «Алашара» апрезидент, абаза жвлара организацияква р-Ассоциация «Апсадгьыл» аунашвахъцIарта апредседатель.

Ассоциация ъадзащаквгылу асквш 25 рурала ауи аунашвачпагIвчва ралхра араъа йапхъахауата йакIвшатI. Апсуа-абаза (абаза) уагIахъа р-Конгресс апхъала йапредседательыз Шамба Тарас организация апны чIахIныгIва нкъвызгауа дпрезидентта йыхьыз щаквдыргылтI.

АрхъйагIв секретарта далырхтI Гицба Инар.

Гицба Инар Ткъварчал къала апны дйытI, асквш 2002 агIан Гагра йтагылу «Башаран-колледж» дгIалгатI, асквш 2007 агIан – Польша апны Гданьск къральыгIва университет аполитология факультет, ауаъа ъачIвагIата йгIацIигатI «адуней къральква разазаъаща».

«Сара схъагвы аквыта йсхIвитI ауи йпахь йгIагылуа ахачIвква рырхъйара уахъгьи тшынгьи дашIамсуа дшрыдынхалуаш, ауи ахIатырла йкандидатура йацшвкIныс ажванахъа гIазгитI», – йхIватI Ассоциация ЙхIаракIу а-Совет йапредседательта йалырхыз Эгьзакь Мусса. Ари ажванахъа йацыркIтI уагIа 158-гIв йнадзауата айззара йалаз агIащтийыгIвчва.