Международное объединение содействия развитию абазино-абхазского этноса «Алашара»

Льий Зауыр Трыквшта абазаква дрызцатI

Льий Зауыр Трыквшта абазаква дрызцатI

Трыквшта йту абазаква рсабиква абаза бызшвала йадрыпхьара ртахъыпI. Апхын ауат ркытква рпны йайззалитI. Даргьи гIахIватI ауи агIамта асабиква абызшва рдзырдыруаш, ауи акIвымкIвагьи хIыбызшва бзита йыздыруа ахIбачва йрыуата зджьакIы арыпхьаща йазызбжьуш гIвыджь рзыхIщтийырныс. Ауи ауыс адгалра «Алашара» адкIылара хъвдаквцIарата йнанауахвтI. «Абаза бызшва» хъвшара унашва ахъызцIауа Джьандар Мурат ауыс здыруата ауаъа йзыцуш уагIа гIайаутI. Ацара апны йаннадза йапшым ашвхIаусыгIваквала заджв йакIвпI йщтира атахъхаз. Ауи азаджв «Къарча-Черкес» къральыгIва телерадиуакомпания ателебара апны абаза бызшвала агIатраква адызгалуа агвып унашва рхъызцIауа Льий Зауыр йакIвпI.

Июнь а 16 Зауыр Астомбыль дпссгIатI, ауаъа дтыцIын Адана дцатI. Адана апны ауи хIайщчва Напщ Джьумгlaльи, Хlaпlaтl Дауыт, Къвапсыргьан Малик гIайпылын Мерсин дыргатI, ауаъа ДжьумгIальи йпны дандыргIалтI.

Видео. ДжьумгIальи йпны

«Ауахъ Джьумгlaльи йпны йгlaйтl Maлики ауи йхъапщыла ХIапIатIргIа йыртпхIу Айщи – ауи швабыж лыбызшва байапl», – йхIвитI Льий Зауыр.

Видео. Айща

ДжьумгIальи йпны йгIадгылтI Къвапсыргьан Басригьи ауи йхъапщыла Нурайгьи. Нурйа МшвхIвaджьыргla дыртпхIапI.

Асас ддрайгватI КъвапсыргьанргIагьи. Ауаъагьи апшвымаква йгьырхъазымызтI йаъаз.

Видео. КъвапсыргьанргIа рпны

УахьчIвагьи Зауыр Мерсин даъазлуштI. УачIвы ауи йуыс ъайхуш Акпынар (Локт) дцуштI.